სავლე აბულაძე (1890-1964)

მწერალი, პოეტი, პედაგოგი. ეწეოდა საზოგადოებრივ და ლიტერატურულ–პედაგოგიურ მოღვაწეობას; თანამშრომლობდა გაზეთ – "სახალხო საქმეში", "ზვირთში", "ჯარის–კაცში", "მხედარში", "მომავალში", "საქართველოს განათლების მუშაკში"; 1911 წელს იყო კიცხის სკოლის მასწავლებელი; 1912 წელს ორკლასიანი სკოლის ზედამხედველი; 1921 წელს შვიდკლასიანი სკოლის გამგე და შეთავსებით შორაპანის მაზრის სკოლების ინსტრუქტორი; 1909 წელს დაიბეჭდა მისი პირველი ლექსი რუსულ ენაზე გოგოლის საიუბილეოდ გამოცემულ კრებულში; 1915 წელს დაიბეჭდა მისი მოთხრობები. დაკრძალულია თბილისში, ვაკის სასაფლაოზე.