მარიამ გარიყული (თათეიშვილი-რატიანისა) (1883-1960)

მწერალი. შემოქმედებითი მოღვაწეობა თეატრში დაიწყო. მსახიობობდა ავჭალის სახალხო თეატრსა და ქუთაისის თეატრში. მისი ლიტერატურული დებიუტი შედგა ბობოქარ 1905 წელს, როცა დაიბეჭდა მოთხრობა „ცხოვრების მსხვერპლი“ და იმთავითვე დაიმკვიდრა რეალისტი მწერლის სახელი. სიცოცხლის ბოლო წლებში მწერალმა დაწერა მოგონებათა წიგნი „განვლილი გზა“, დაკრძალულია მწერალთა და საზოგადო მოღვაწეთა დიდუბის პანთეონში.