geonecropol.com
ვცადე, თავი მომეყარა მთელ მსოფლიოში გაფანტული ქართველების საფლავებისათვის
სიკვდილის გზა არ-რა არის, ვარდისფერ გზის გარდა
თამაზ ჭილაძე (1931-2018)
მწერალი, პოეტი და დრამატურგი. საქართველოს სახელმწიფო პრემიისა და შოთა რუსთაველის პრემიის ლაურეატი. თბილისის საპატიო მოქალაქე.
1938 წელს შეიყვანეს ბათუმის შოთა რუსთაველის სახელობის სკოლაში. საშუალო სკოლა კი თბილისში დაამთავრა (ვაჟთა მე-7 სკოლა), შემდეგ სწავლობდა თბილისის სახელმწიფო უნივერსიტეტის ფილოლოგიურ ფაკულტეტზე, შემდეგ კი — ასპირანტურაში.
პირველი ლექსი 15 წლისამ დაწერა. თამაზ ჭილაძე მუშაობდა „ცისკარში“ განყოფილების გამგედ (1958-1964); რუსთაველის პრემიების კომიტეტში — პასუხისმგებელ მდივნად (1964-1972); ჟურნალ „საბჭოთა ხელოვნებაში“ — მთავარ რედაქტორად (1972-1981), მწერალთა კავშირში — მდივნად (1981-1987); ჟურნალ „მნათობის“ მთავარ რედაქტორად 1997 წლიდან. მწერლის ნაწარმოებები თარგმნილია მსოფლიოს მრავალ ენაზე.
დაკრძალულია თბილისში, ვაკის სასაფლაოზე. საფლავის ფოტო აღებულია თინა ჭილაძის გვერდიდან.
