აკადემიკოსები
მწერლები და პოეტები
I და II მსოფლიო ომი
მსახიობები
სპორტსმენები
მხატვრები
საზოგადო მოღვაწეები
მეცნიერები
მედიცინის მუშაკები
რეჟისორები
კომპოზიტორები
მომღერლ, მოცეკვავ.
სამხედრო პირები
სხვა საფლავები

geonecropol.com

ვცადე, თავი მომეყარა მთელ მსოფლიოში გაფანტული ქართველების საფლავებისათვის

კონსტანტინე (კოტე) დაუშვილი (1909-1980)

თეატრისა და კინოს მსახიობი. საქართველოს სსრ სახალხო არტისტი (1958 წ.). სომხეთის სსრ სახალხო არტისტი (1979 წ.). სცენაზე გამოდიოდა 1927 წლიდან. 1928-1931 წლებში მუშაობდა წითელი არმიის ქართულ თეატრში (თბილისი). 1931-1934 წლებში იყო მარჯანიშვილის სახალხო თეატრის, 1934-1935 წლებში — ბაქოს ქართული თეატრის, 1935-1938 წლებში თბილისის კინოსტუდიის მსახიობი. 1942-1958 წლებში კვლავ მარჯანიშვილის სახალხო თეატრშია. თეატრში შესრულებული როლებიდან აღსანიშნავია: ბეგლარი (კალაძის „როგორ“), კვეჟენაძე (დადიანის „კაკალ გულში“), ჯიბილო (კაკაბაძის „კოლმეურნის ქორწინება“), კნუროვი (ოსტროვსკის „უმზითვო“), გელა (ყაზბეგის „მოძღვრის“ ინსცენირება), გიჟუა (ცაგარლის „რაც გინახავს ვეღარ ნახავ“) და სხვა. კინოში შესრულებული როლებიდან აღსანიშნავია: მწყემსი ბიჭი („უდაბნო“, 1932), ბიგაი („მდინარის იქით“, 1934), ნიკო („გაზაფხული საკენში“, 1950), მოურავი („აკაკის აკვანი“, 1947), სელიმ-ხანი („ბაში-აჩუკი“, 1956), გიგია („პაპა გიგია“, 1960), ბოდოკია („დიდოსტატის მარჯვენა“, 1970), კაც ზვამბაია („მთვარის მოტაცება“, I სერია 1972, II სერია 1973), ციციკორე („ნატვრის ხე“, 1976) და სხვა. დაკრძალულია თბილისში, საბურთალოს პანთეონში.