აკადემიკოსები
მწერლები და პოეტები
I და II მსოფლიო ომი
რეჟისორები
მსახიობები
სპორტსმენები
მხატვრები
საზოგადო მოღვაწეები
მეცნიერები
მედიცინის მუშაკები
კომპოზიტორები
მომღერლ, მოცეკვავ.
სამხედრო პირები
სხვა საფლავები

geonecropol.com

ვცადე, თავი მომეყარა მთელ მსოფლიოში გაფანტული ქართველების საფლავებისათვის

იაზონ თუმანიშვილი (ტუმანოვი) (1883-1955)

მეზღვაური, პარაგვაის ფლოტის I რანგის კაპიტანი. დაიბადა თბილისში. დაამთავრა კადეტთა საზღვაო კორპუსი 1904 წელს; სანაღმო და საარტილერიო საქმის დამატებითი მოკლევადიანი კურსები, 1913 წელს-ნიკოლოზის საზღვაო აკადემია. მონაწილეობდა რუსეთ-იაპონიის ომში. 1918 წლის ბოლოს სარდლობდა ასტრახანის სამხარეო მთავრობის ვოლგა-კასპიის ფლოტილიას. 1920 წლის 28 მარტს გენერალ ვრანგელის ბრძანებულებით მიენიჭა I რანგის საზღვაო კაპიტნის წოდება და დაინიშნა ხომალდ "რუსეთის" კომენდანტად, რომლითაც იმავე წლის ნოემბერში ევაკუირებულ იქნა ყირიმიდან კონსტანტინოპოლში, მოგვიანებით გადავიდა იუგოსლავიაში - სერბეთში, 1924 წელს ურუგვაიში, 1925 წელს კი – პარაგვაიში. პარაგვაიში იგი სამდინარო ფლოტის ჩამოსაყალიბებლად მიიწვიეს. ქვეყნის წინაშე გაწეული სამსახურისთვის ოქროს მედლით დაჯილდოვდა. დაკრძალულია პარაგვაიში, ქალაქ ასუნსიონში.