აკადემიკოსები
მწერლები და პოეტები
I და II მსოფლიო ომი
მსახიობები
სპორტსმენები
მხატვრები
საზოგადო მოღვაწეები
მეცნიერები
მედიცინის მუშაკები
რეჟისორები
კომპოზიტორები
მომღერლ, მოცეკვავ.
სხვა საფლავები

geonecropol.com

ვცადე, თავი მომეყარა მთელ მსოფლიოში გაფანტული ქართველების საფლავებისათვის

მანანა მელქაძე (1963-1989)

9 აპრილის ტრაგიკული მოვლენების მსხვერპლი. დაიბადა 1963 წლის 20 იანვარს. იგი პირველ კლასში შევიდა 1969 წელს თბილისის N 144-ე საშუალო სკოლაში, რომელიც წარმატებით დაამთავრა 1979 წელს. იმავე წელს ჩაირიცხა საქართველოს პოლიტექნიკური ინსტიტუტში საინჟინრო ფიზიკის ფაკულტეტზე. მანანა იყო წარმატებული სტუდენტი და 1985 წელს დაამთავრა უმაღლესი სასწავლებელი და დაიწყო მუშაობა თბილისის ელექტრონული ტექნოლოგიების კვლევით ინსტიტუტში. 1989 წლის 9 პრილს მანანა რუსთაველის გამზირზე თავის კლასელებთან ერთად იყო. გოგონებმა იმ არეულობაში დაკარგეს ერთმანეთი, საბედნიეროდ მაია ჩიბურდანიძე და მანანა ბეჟიაშვილი მშვიდობით დაბრუნდნენ სახლში. მანანამ დარბევის დროს მიიღო მძიმე ტრამვა, რის შედეგადაც 11 აპრილს საავადმყოფოში გარდაიცვალა. დაკრძალეს 15 აპრილს თბილისში, მუხათგვერდის სასაფლაოზე. 2014 წლის 9 აპრილს, ტრაგიკული მოვლენებიდან 25 წლის თავზე საქართველოს პრეზიდენტმა გიორგი მარგველაშვილმა ოჯახის წევრებს წმინდა გიორგის სახელობის გამარჯვების ორდენი გადასცა.

საფლავის ფოტო გადაიღო ბატონმა მიშა ჩხიკვაძემ. ტექსტი მოგვაწოდა მაია და ნანა მელქაძეებმა